Апладысменты “Паўлінцы”

Прэм’ерай купалаўскай “Паўлінкі” пачаў сваю работу адноўлены народны тэатр пры Доме культуры райцэнтра. Гэты спектакль мясцовыя тэатралы прысвяцілі памяці былога рэжысёра тэатра Аляксея Сількевіча і колішняга кіраўніка калектыву народнага танца “Дняпранка” Марыі Сількевіч. Ролю абаяльнай Паўлінкі здорава сыграла рэжысёр тэатра Ірына Вішнеўская. Шмат шчодрых апладысментаў гледачоў выпала на долю інжынера ААТ “Рагачоўскі малочна-кансервавы камбінат” Руслана Казлова, выканаўцы ролі Адольфа Быкоўскага, а таксама іншых акцёраў народнага тэатра. Гэтае званне калектыў пацвердзіў не так даўно на абласным аглядзе-конкурсе ў Светлагорску.