Клімаўка радніцца з “Сожам”

Дакументы па далучэннi адстаючай эксбазы “Гомельская” да адкрытага акцыянернага таварыства “Саўгас-камбінат “Сож” яшчэ афармляюцца, дапамога будучаму падраздзяленню ўжо аказваецца. Як расказаў дырэктар саўгаса-камбіната Анатоль Татарынаў, у Клімаўку, цэнтральную вёску эксбазы, для грамадскага пагалоўя завозяцца кармы, у тым ліку канцэнтраваныя. Для завяршэння веснавых палявых работ і арганізацыі догляду пасеваў перададзена некалькі трактараў з прычапнымі агрэгатамі. На палях эксбазы працуюць зараз і лепшыя механізатары з “Сожа”.