Каралева пашырае межы

Адразу на тысячу гектараў вырашылі павялічыць пасевы кукурузы ў адкрытым акцыянерным таварыстве “Андрэеўка-Агра” і давесці плошчу пад яе да 3500 гектараў. Веснавую сяўбу гэтай культуры правялі ў аптымальныя тэрміны і на высокім агратэхнічным узроўні. На асобных участках ужо з’явіліся ўсходы. Як паведаміў дырэктар сельгаспрадпрыемства Мікалай Дубень, праз некалькі дзён пачнецца хімічная апрацоўка пасеваў. Сёлета ў гаспадарцы ўскладаюць вялікія надзеі на кукурузу. У кармавым балансе жывёлы яна павінна скласці больш за палавіну.