Забіў малочны вадаспад

Вытворчы сельскагаспадарчы кааператыў “Губічы” ўпэўнена ўтрымлівае лідзіруючыя пазіцыі ў раёне. Ужо летась тут пераўзышлі надой ад каровы ў 5000 кілаграмаў малака. Сёлета плануюць давесці яго да 5500 кілаграмаў. Як паведаміў старшыня кааператыва Міхаіл Рыбік, больш за 60% гадавой вытворчасці прадукцыі плануецца атрымаць у летні перыяд на танных зялёных кармах. Тут арганізавана пачалі пашавае ўтрыманне дойнага статка. Зараз у сярэднім ад каровы за суткі атрымліваюць больш чым па пуду малака. Ёсць прыбаўка ў параўнанні з мінулым годам. Добра нала­джана пашавае ўтрыманне, па словах старшыні райвыканкама Аляксандра Грыгарэнкі, і ў КСУП “Нікалаеўка” і “Патапаўскі”.