Уборы для падвор’яў

Страдубскі, Малінаўскі, Каўпенскі і Уборкаўскі сельвыканкамы наведалі калегі з Брагінскага і Хойніцкага раёнаў. Мэта сумеснага семінару, як зазначылі ў Лоеўскім райсавеце дэпутатаў, — паказаць работу аглядавых камісій, правядзенне нарад. Плённым быў абмен уражаннямі. “Госці ўзялі на заметку афармленне сельскіх падвор’яў, захаванне народных абрадаў. Нам, у сваю чаргу, былі карыснымі іх падказкі па добраўпарадкаванні, прымяненні малых архітэктурных формаў”, — падкрэсліў старшыня раённага Савета дэпутатаў Аляксандр Фурс.