Поўніцца малочная рака

Па 22 кілаграмы малака ад каровы надойваюць зараз штодзённа аператары Цярухскай малочна-таварнай фермы адкрытага акцыянернага таварыства “Саўгас-камбінат “Сож”. Гэта значна больш, чым у мінулым годзе. Як паведаміў дырэктар сельгаспрадпрыемства Анатоль Татарынаў, добрыя зрухі наперад ёсць і на пяці іншых фермах. Таму ў цэлым па камбінаце сярэднесутачныя надоі складаюць у гэтыя дні больш за 17 кілаграмаў малака ад каровы. Гаспадарка працягвае знахо­дзіцца ў групе лідараў сярод сельгаспрадпрыемстваў вобласці.