Заўтра ў райцэнтры адбу­дзецца свята паэзіі “Жнівеньскі зарапад”, прысвечанае Году кнігі

Праводзіцца яно ўжо ў другі раз. Як паведаміла загадчык аддзела маркетынгу цэнтральнай раённай бібліятэкі Святлана Грынчык, удзел прымуць не толькі гомельскія творцы, але і літаратары з расійскіх Злынкі, Навазыбкава, Клімава, украінскай Гарадні, дабрушане — члены народнага паэтычнага клуба “Натхненне”. Зарапад сваіх твораў падаруюць слухачам гомельскія пісьменнікі Ніна Шклярава, Валянціна Кадзетава, Алена Агіна, Ганна Атрошчанка, Міхась Болсун, Іван Бісеў, Юрый Максіменка, Генадзь Говар і іншыя. А адкрые свята лаўрэат Дзяржаўнай прэміі Рэспублікі Беларусь паэт Міхась Башлакоў.