Традыцыйна добрыя намалоты збожжавых культур у эксбазе “Уваравічы”. На круг з гектара выйшла па 41,9 цэнтнера

Найбольшую ўраджайнасць дало азімае жыта сорту “алькора”. Яго атрымалі з кожнага гектара па 45,7 цэнтнера. Гэты сорт упершыню ў парадку эксперыменту сеялі на 35 гектарах. Сёлета плошча пад яго будзе пашырана да 300 гектараў. Пашыраны пасевы і пад іншыя больш ураджайныя азімыя культуры. Як падкрэсліў галоўны аграном сельгаспрадпрыемства заслужаны работнік сельскай гаспадаркі Рэспублікі Беларусь Фёдар Жырыкаў, падрыхтоўка да сяўбы азімых культур вядзецца поўным ходам. Большасць палёў ужо гатова. Адначасова да пасяўных стандартаў даводзіцца насенны матэрыял. Дарэчы, насенне зараз рыхтуецца і для іншых гаспадарак аграрнага сектара раёна і вобласці.