23 — 25 жніўня ў райцэнтры пройдзе VI універсальная выстава “Жлобінскі кірмаш”

Яго арганізатары — райвыканкам і Гомельскае аддзяленне Беларускай гандлёва-прамысловай палаты. Па словах выконваючай абавязкі дырэктара жлобінскага філіяла Гомельскага аддзялення БелГПП Марыны Акацэвіч, удзел у форуме прымуць каля 60 прадпрыемстваў з усіх абласцей Беларусі. Прадукцыя айчынных вытворцаў — прадукты харчавання, вопратка і абутак, бытавая тэхніка, сувеніры — размесціцца на пло­шчы каля 700 кв. м. Наведвальнікі кірмашу змогуць не толькі пазнаёміцца з навінкамі, але і набыць тое, што спадабаецца. У праграме — презентацыі фірм, тавараў і паслуг, дэгустацыя прадукцыі, бізнес-сустрэчы з патэнцыяльнымі партнёрамі. Упершыню на кірмашы пройдзе дабрачынная акцыя “Першакласнік”, якую жлобінскі філіял Гомельскага аддзялення БелГПП праводзіць разам з тэрытарыяльным цэнтрам сацыяльнага абслугоўвання насельніцтва раёна.