Беларускія іконы ХVII — ХХ стагоддзяў прадстаўлены на выставе ў галерэі Г. Х. Вашчанкі

Беларускія іконы ХVII — ХХ стагоддзяў з фондаў Веткаўскага музея народнай творчасці імя Ф. Р. Шклярава прадстаўлены на выставе ў галерэі Г. Х. Вашчанкі ў Гомелі. У іх выразна адбіліся этапы працэсу ўзаемадзеяння праваслаўнага іканапісу з заходнееўрапейскім жывапісам. У якасці ўзораў кампазіцый шырока выкарыстоўваліся гравюры з беларускіх ды ўкраінскіх друкаваных выданняў. У іконах, напісаных сельскімі майстрамі, праглядае спадчына беларускай школы іканапісу з яе рэнесанснымі рысамі альбо традыцыя сармацкага партрэта, што імкнуўся перадаць вобраз шляхціча як амаль міфічнага героя. З той эпохі паходзіць традыцыя залатога прачаканенага ляўкаса, якая захоўваецца ў іконах бабіцкай іканапіснай школы ажно да канца ХІХ стагоддзя (па назве вёскі