У Лоеве адкрылася выстава Валянціны Астапенкі

У музеі бітвы за Днепр адкрылася выстава з лялечнай калекцыі рэчычанкі Валянціны Астапенкі. Яна аднолькава захапляючая як для дзяцей, так і для дарослых. Ад танклявых Барбі да лялек, якія нагадваюць жывых дзяцей, гульнёвыя, сувенірныя, аўтарскія, калекцыйныя — гэтыя цацкі даюць уяўленне пра розныя часіны нашага жыцця, вяртаюць у маленства. Прадстаўлены таксама амерыканскія, італьянскія, іспанскія, нямецкія лялькі. Словам, кожны наведвальнік знойдзе сабе тут забаву для душы.