Фестываль-конкурс афганскай песні прайшоў у Лоеве

Першы раённы фестываль-конкурс афганскай песні прайшоў у горадзе на ўзбярэжжы Дняпра. 15 прадстаўнікоў рабочай моладзі і старэйшага пакалення бралі ўдзел у ім. У раённым Доме культуры было шматлюдна, бо за сваіх перажывалі прадстаўнікі калектываў, родныя. Самыя шчодрыя апладысменты былі ў адрас пераможцаў-вакалістаў Марыі Шкаляр з вёскі Сяўкі, лаяўчанкі Алены Трэсцьян, Насці Цімафеевай з аграгарадка Уборак. Сярод старэйшых канкурсантаў вызначыліся выкладчык педагагічнага каледжа Пётр Краўчанка, а таксама Святлана Васілец з райжылкамгаса і Валянціна Ахрэменка з раённага цэнтра дзіцячай творчасці.