Цэгла камбіната будаўнічых матэрыялаў — “Лепшы будаўнічы прадукт года — 2011”

Лепшы прадукт… будаўнічы Цэгла керамічная паўнацелая і пустацелая вытворчасці камбіната будаўнічых матэрыялаў адзначана на рэспубліканскім прафесійным конкурсе “Лепшы будаўнічы прадукт года — 2011”. Дыплом пераможцы быў уручаны дырэктару прадпрыемства Валерыю Ястрэмскаму. Гэта вынік плённай работы калектыву, які шмат увагі надае выкананню тэхналогіі вытворчасці і кантролю якасці. За ёй, дарэчы, сочыць уласная акрэдытаваная лабараторыя, якая даследуе цэглу з кожнай ваганеткі. Зараз у планах калектыву перанос лініі ўпакоўкі на іншае месца. А на вызваленыя плошчы пашырыцца сушылка, што дасць магчымасць павялічыць вытворчасць цэглы. Плануюць на камбінаце ў перспектыве выпускаць і абліцовачна-фасадную плітку.