У мясцовым педагагічным каледжы ствараецца кабінет інфармацыйных тэхналогій

Тэхналогіі плюс інтэлект Дырэктар навучальнай установы Раіса Каляда зазначыла, што гэта добры дадатак да камп’ютарнага класа, трох інтэр­актыўных дошак, дзвюх мультымедыяўстановак, якія ўжо задзейнічаны ў навучальным працэсе. 440 юнакоў і дзяўчат вучацца зараз у каледжы. Тэхнічны прагрэс найлепшым чынам уплывае на іх паспяховасць. Сярэдні бал яе зараз — 7,8. Безумоўна, гэта вынік плённай работы педагогаў, якія шчыра працуюць на актывізацыю пазнавальнай дзейнасці сваіх выхаванцаў, фарміраванне інтэлектуальнай культуры. Нездарма 88,8% сёлетніх выпускнікоў паступілі ў вышэйшыя навучальныя ўстановы.