Фальклорны гурт “Лутава” ў чарговы раз пацвердзіў званне народнага калектыву

Што ім тая актава — цёткі цягнуць да зор! Фальклорны гурт “Лутава” ў чарговы раз пацвердзіў званне народнага калектыву. Унікальнасць спеваў гэтых пажылых жанчын (кіруе “Лутавой” Тамара Шапавал) не раз адзначалі славутыя “Песняры”. Старадаўнія песні з чароўнымі галасавымі падводкамі надаюць аўтэнтычным спевам фальклорнага гурта асаблівую выразнасць, канцэнтруюць на ідэі тэкстаў. Слухаеш іх і атрымліваеш асалоду ад роднай, спаконвечнай народнай творчасці. Таму і конкурснае выступленне ў Сяўкоўскім сельскім цэнтры культуры і вольнага часу камісія з абласнога цэнтра народнай творчасці ацаніла зноў на выдатна.