У раённым конкурсе на лепшае падвор’е ў сельскай мясцовасці сярод маладых сем’яў бралі ўдзел сем гаспадарак

Мая вёска — мой лёс У раённым конкурсе на лепшае падвор’е ў сельскай мясцовасці сярод маладых сем’яў бралі ўдзел сем гаспадарак, а перамаглі дзве. Гэта сем’і Краўчанка з Ручаёўкі і Пазняк з Бывалек. Уладзімір і Наталля Краўчанка працуюць у школе-садку. Галава сямейства майстар на ўсе рукі, а таму ў двары сядзібы зладзіў цудоўную пляцоўку, на якой любіць займацца дзятва. Тут не толькі розныя турнікеты, арэлі, але і басейн. Адметнае падвор’е і ў вадзіцеля КСУП “Бывалькі” Ігара Пазняка і яго жонкі Людмілы, яны выхоўваюць чацвярых дзетак. Ад арганізатараў конкурсу — аддзелаў культуры і па справах моладзі райвыканкама сем’і-пераможцы атрымалі памятныя падарункі.