Камбайнеры ААТ “Андрэеўка-Агра” аднымі з першых у раёне завяршылі жніво

Лік пайшоў на эшалоны Яны намалацілі больш за дзевяць тысяч тон хлеба, для перавозкі якога, вобразна кажучы, патрэбна некалькі чыгуначных эшалонаў. Валавы збор збожжа перавысіў адпаведны мінулагодні паказчык на дзве тысячы тон. І гэта нягледзячы на тое, што некаторыя ўчасткі збажыны засушыла, зазначыў дырэктар сельгаспрадпрыемства Мікалай Дубень. Поспеху хлебаробы дабіліся дзякуючы павышэнню ўраджайнасці на дзевяць цэнтнераў з гектара і пашырэнню плошчаў пад збожжавыя і зернебабовыя культуры.