Супрацоўнікі музея бітвы за Днепр правялі маніторынг стану помнікаў археалогіі на тэрыторыі раёна

Ад прадзедаў спакон вякоў… Супрацоўнікі музея бітвы за Днепр і члены абласнога аддзялення грамадскага аб’яднання “Беларускае добраахвотнае таварыства аховы помнікаў гісторыі і культуры” правялі маніторынг стану помнікаў археалогіі на тэрыторыі раёна. Абследаваны не толькі аб’екты, якія ўключаны ў дзяржаўны спіс гісторыка-культурнай спадчыны Рэспублікі Беларусь, але і тыя, што пакуль у яго не трапілі. У першую чаргу звярталася ўвага на стан археалагічных помнікаў, наяўнасць на іх ахоўных знакаў. Лепш за іншых гэту працу правялі ў Каўпен­скім сельсавеце. Як адзначыла дырэктар музея Рыма Стаднікава, праца па ўключэнні новых аб’ектаў у дзяржаўны спіс будзе прадоўжана.