Работнікі аддзела культуры райвыканкама рыхтуюцца да правядзення конкурсу на лепшае падвор’е сярод маладых сем’яў

Чыё падвор’е лепшае? Работнікі аддзела культуры райвыканкама сумесна з аддзелам па справах моладзі рыхтуюцца да правядзення конкурсу на лепшае падвор’е сярод маладых сем’яў. Як паведаміла дырэктар раённага метадычнага цэнтра народнай творчасці Марыя Шумігай, заяўкі на ўдзел у саперніцтве падалі прадстаўнікі вёсак Малінаўка, Бывалькі, Сяўкі, Ручаёўка, Каўпень, Страдубка. А зараз ва ўстановах культуры праводзіцца конкурс “Вялікая сіла дабрыні”. Прысвечаны ён рэабілітацыі дзяцей і падлеткаў, якія знаходзяцца ў неспрыяльных умовах. Калектывы, дзе лепш арганізавана такая работа, прымуць удзел у заключным этапе ў райцэнтры.