100 гадоў сустрэла весела

Стогадовы юбілей адзначыла Ганна Андрэеўна Клімава. Сапраўдную цану кавалка хлеба яна зведала з самага дзяцінства. Вялікая сям’я, шасцёра дзяцей, маці рана памерла, таму з малых гадоў дзяўчынка дапамагала бацьку апрацоўваць зямлю і даглядаць жывёлу. Потым пайшла працаваць у калгас. Выйшла замуж, нарадзіла чатырох дзяцей. А свой стогадовы юбілей сустрэла, як кажуць, у поўным здароўі і з вясёлым настроем. Ганна Андрэеўна любіць хадзіць у лазню, летам ездзіць з унукамі на дачу. Дарэчы, з нагоды свята юбілярцы ўручылі і новы пашпарт.