Асвоіў сам — дапамажы суседу

Дарожнікі мясцовага ДРБУ-152 першымі ў сістэме “Гомельаблдарбуда” па новай тэхналогіі зрабілі топінг-падлогу ў механічнай майстэрні. Дзякуючы дабаўленню металічнай стружкі яна ўдаратрывалая і больш устойлівая. Таму такі вопыт сталі пераймаць у іншых раёнах вобласці. Характэрна, што зараз усюды работы па насцілу ў памяшканнях топінг-падлогі выконвае спецыялізаваная брыгада ДРБУ-152 на чале з прарабам Віктарам Торапам. Як паведаміў дырэктар гэтага ўпраўлення Якаў Мендзель, іх брыгада выканала ўжо заказы рагачоўскіх, светлагорскіх, жлобінскіх і ельскіх дарожнікаў, а таксама мясцовага лясгаса.