У Лоеў, на Дзясятуху

У раёне адзначана свята Дзясятухі. Штогод праваслаўныя святкуюць яго на дзясяты тыдзень пасля Вялікадня. Хросны ход з іконай святой Параскевы праведзены не толькі вакол Свята-Троіцкага сабора ў райцэнтры, але і каля каплічкі ў лесе, дзе гэтая святыня явілася ўпершыню. Як паведамілі супрацоўнікі музея бітвы за Днепр, у даўнія часы ў гэты дзень у Лоеве праводзіліся кірмашы. Гандлёвыя рады размяшчаліся акурат за цяперашнім будынкам райвыканкама. А паколькі значную частку насельніцтва складалі яўрэі, тут было 86 крам і крамак.