Каралева для кароў

Сярод іншых сельскагаспадарчых культур у апошні час ў раёне асаблівую ўвагу надаюць кукурузе. У параўнанні з папярэднім годам пасевы пад яе павялічаны аж на 9 тысяч гектараў і займаюць зараз 17 тысяч гектараў, з іх 7 тысяч — на зерне. Начальнік упраўлення сельскай гаспадаркі і харчавання райвыканкама Віктар Крышнёў адзначыў, што ў кармавым балансе кукуруза зойме 70%. У асноўным гэты корм будзе выкарыстоўвацца як малакагонны для кароў, а таксама для маладняку буйнай рагатай жывёлы і часткова для іншых відаў пагалоўя.