Будуць дранікі і пюрэ

Сёлета на сельскагаспадарчых прадпрыемствах раёна бульба пасаджана на 1050 гектарах. Супраць пустазелля, хвароб і шкоднікаў пасевы старанна апрацавалі. Дзе патрабуецца, будзе праведзена і дадатковая апрацоўка. Як паведаміў старшыня райвыканкама Аляксандр Грыгарэнка, з гектара плануецца атрымаць толькі таварнай бульбы не менш чым па 250 цэнтнераў. У перспектыве ў раёне плануецца далейшае развіццё бульбаводства з мэтай экспарту другога хлеба. Ужо ў наступным годзе плошчы пад бульбу будуць значна павялічаны.