Землякі Мележа трымаюць марку

Вучні 11 “Б” класа гарадской гімназіі Ягор Раманчык і Арцём Краўчанка занялі першае месца на Мележаўскіх чытаннях. Як паведамілі ў аддзеле ідэалагічнай работы райвыканкама, у гэтым годзе ў конкурсе навуковых работ, што традыцыйна праходзіць на базе гомельскай беларуска-славянскай гімназіі № 36 імя Івана Мележа, прымалі ўдзел школьнікі не толькі з Беларусі, але і Кіева, Самары, Новамаскоўска, Ірпеня — усяго больш за 200 чалавек. Даследаванне хайнічан, прысвечанае прафесійнаму самавызначэнню навучэнцаў, прызналі лепшым сярод работ псіхалагічна-сацыялагічнай тэматыкі.