Рамантуюць мэблю і сурвэткі вяжуць

Другаснай занятасці моладзі ў райцэнтры ўдзяляецца значная ўвага. Як паведаміла начальнік аддзела райвыканкама па справах моладзі Ірына Суржык, у чэрвені ёю ахоплена 40 рабят. Яны рамантуюць мэблю ў школе № 1 імя Героя Савецкага Саюза А. Казлова і гімназіі. А тэрытарыяльны цэнтр занятасці далучыў дзяўчат да карыснай работы — вяжуць прыгожыя сурвэткі, якія знагадзяцца як сувеніры на розных урачыстасцях. У ліпені 12 рабят працягнуць рамонтныя мэблевыя работы ў вёсцы Крупейкі, у мясцовым вучэбна-педагагічным комплексе “Сад — базавая школа”. Моладзь актыўна задзейнічана і ў падрыхтоўцы спартыўных і культурна-масавых мерапрыемстваў. Юнакі і дзяўчаты з задавальненнем праводзяць рэпетыцыі і выступаюць на трох спецыяльных моладзевых пляцоўках, якія адкрыты на набярэжнай ракі Днепр, у гарадскім парку і на стадыёне райцэнтра.