І сакура “цвіце”

Калектывы ўстаноў культуры раёна бралі ўдзел у конкурсе прыклубных тэрыторый “Парадак у доме — парадак на зямлі”. Шмат цікавых ідэй увасобілі работнікі сельскіх цэнтраў культуры з дапамогай падручных сродкаў. З’явіліся адметныя малыя формы і кампазіцыі з пластыкавых бутэлек, нават “расцвіла” сакура. Журы засталося ў захапленні ад зробленага, таму і вырашыла адзначыць першай, другой і трэцяй прэміямі па два калектывы. Лідэрамі сталі цэнтры ў аграгарадках Ручаёўка і Сяўкі, на другім месцы — Страдубскі і Малінаўскі, а на трэцім — Пярэдзелкаўскі цэнтр і Крупейскі сельскі клуб.