“Фэст” ізноў лепшы

Вянок беларускіх танцаў выканаў ансамбль народна-бытавога танца “Фэст” (кіраўнік Алена Івахненка) на конкурсе маладых талентаў Лоеўшчыны “Зорная крынічка”, які сабраў 30 калектываў раёна. На сцэнічнай пляцоўцы ў парку райцэнтра ўдзельнiкi спаборнічалі ў чатырох намінацыях — народна-бытавыя, усходнія, сучасныя і бальныя танцы. Адбылося сапраўднае свята музыкі і маладосці. “Журы было ў захапленні ад яркіх харэаграфічных малюнкаў, грацыёзнасці выканаўцаў Ганны Пузырынай і Васіля Сільчанкі, — падкрэсліла дырэктар раённага метадычнага цэнтра народнай творчасці Марыя Шумігай. — “Фэст” і заняў першае месца”.