Ад роду — да народу

Сям’я Агіевіч з Лоева прыняла ўдзел у міжнародным фестывалі “Від роду до народу”, які прайшоў у Чарнігаве. Гонар прадставіць Беларусь медработніку пагранічнай групы Яўгену, яго жонцы Святлане, работніцы гандлю, разам з сынамі Дзянісам і Кірылам выпаў не дарэмна. Яны годна выступілі на абласным конкурсе “Лепшая маладая сям’я Гомельшчыны — 2010”. Як паведаміла начальнік аддзела па справах моладзі Лоеўскага райвыканкама Ірына Суржык, выступленне Агіевічаў на сцэне Чарнігаўскага драматычнага тэатра было адметным. Яўген і Святлана дэкламавалі верш пра родны райцэнтр, прадставілі відэафільм і тэатральную пастаноўку. А ўсяго ў прэстыжным фестывалі бралі ўдзел звыш 20 сем’яў з Украіны, Беларусі, Расіі.