Спявай, душа вясновая!

Заключны канцэрт пераможцаў дзявятага агляду-конкурсу “Брагінская музычная вясна” сабраў лепшыя самадзейныя калектывы раёна. Тон задалі артысты Камарынскага культурна-спартыўнага цэнтра, якія прама на сцэне раённага Дома культуры запрасілі на вячоркі –– з песнямі, танцамі, жартамі. Біблітэкары цудоўна спявалі, а прадстаўнікі дашкольнага цэнтра развіцця танцавалі. Сярод фальклорных груп не было роўных спевакам з Асарэвіцкага Дома народнай творчасці. Гледачы сустракалі кожны нумар гарачымі апладысментамі, а самыя любімыя песні слухалі па заяўках. Дзіцячыя калектывы, якія прынялі ўдзел у “Брагінскай музычнай вясне”, заахвочаны прызамі.