Дадатковы паёк для каралевы палёў

Амаль сем тысяч гектараў займаюць пасевы кукурузы ў адкрытым акцыянерным таварыстве “Саўгас-камбінат “Сож”. Палавіна адведзена на зерне. У гаспадарцы своечасова і якасна правялі сяўбу, а потым і хімпраполку пасеваў. Наперадзе — падкормка. “Да яе ўжо прыступілі, — гаворыць дырэктар сельгаспрадпрыемства Анатоль Татарынаў. — Вобразна кажучы, дадатковы паёк для каралевы палёў складзе сто кілаграмаў азотных удабрэнняў на гектар, што значна павысіць яе ўраджайнасць. Да важнай работы адразу ўключаем некалькі адзінак навейшай спецтэхнікі”.