Дэсант да брэсцкіх аграрнікаў

Мясцовае прадпрыемства меліярацыйных сістэм не толькі выконвае вялікія аб’ёмы работ у сваім раёне, а і нярэдка дапамагае суседзям. Як правіла, яго калектыў працуе хутка і якасна. Таму і паступаюць новыя заказы. Вось і зараз афармляецца праектна-каштарысная дакументацыя на рамонт і рэканструкцыю 150 гектараў асушаных меліяраваных земляў у СВК “Новае жыццё” Столінскага раёна Брэсцкай вобласці. Як паведаміў намеснік генеральнага дырэктара “Гомельмеліяводгаспадаркі” Андрэй Гулюк, ужо сёлета жыткавіцкія меліяратары плануюць асвоіць у брэсцкай гаспадарцы каля 700 мільёнаў рублёў.