Паспрабавалі “Рэтра”

У мясцовым Палацы культуры прайшоў “Рэчыцкі кірмаш”. На гэты раз мерапрыемства сабрала 36 гандляроў і вытворцаў, якія прапаноўвалі пакупнікам сваю харчовую і прамысловую прадукцыю. Удзел у выставе прыняў і рэчыцкі хлебазавод, які акрамя традыцыйнага асартыменту хлебабулачных вырабаў прадставіў навінкі: жытне-пшанічны хлеб “Рэтра”, “Золата палёў”, “Дар палёў”. Тут жа праводзілася іх дэгустацыя. З прамыслоўцаў вызначыліся швейнае прадпрыемства “Гамяльчанка”, пінскае “Палессе”. А Рэчыцкі занальны цэнтр гігіены і эпідэміялогіі арганізаваў бясплатныя ўрачэбныя кансультацыі. Да медыцынскіх спецыялістаў рознага профілю за тры дні звярнулася амаль чатыры сотні чалавек.