Фальклорны калектыў жлобінскай школы атрымаў спецыяльны дыплом

Дыплом “За захаванне рэгіянальнай культурнай спадчыны” калектыў "Спадчына" СШ № 9 атрымаў на рэспубліканскім конкурсе, які праходзіў у Нацыянальным дзіцячым адукацыйна-аздараўленчым цэнтры “Зубраня”.

11 фальклорных калектываў з розных куткоў Беларусі дэманстравалі народныя абрады. “Спадчына” прадставіла “Юраўскі карагод”, вытокі якога ідуць з вёскі Пагост на Жыткаўшчыне, і “Стрэчанне” – з вёскі Новае Палессе Лельчыцкага раёна. Выступленне юных жлабінчан высока ацанілі эксперты ў галіне фальклора, этнаграфіі і сцэнічнага майстэрства і адзначылі калектыў спецыяльным дыпломам. Конкурс фальклорных калектываў праходзіў у рамках XVI рэспубліканскага конкурсу “Юныя таленты Беларусі".