Каб былі нашы дзеці здаровыя

Цікавую, а галоўнае неабходную кожнаму дзіцяці дабрачынную акцыю “Дэпутацкі клопат — здароўе дзяцей” распачалі абласны Савет дэпутатаў, Саветы дэпутатаў пярвічнага і базавага ўзроўняў вобласці сумесна з пастаяннай камісіяй по справах моладзі, фізічнай культуры, спорту і турызму.
Па інфармацыі сакратара камісіі, дэпутата абласнога Савета дэпутатаў Галіны Цярэшчанкі, дабрачынная акцыя праводзіцца з мэтай паляпшэння здароўя дзяцей Гомельшчыны, развіцця іх цікавасці да спорту, спартыўнага ладу жыцця. Фінансаванне акцыі ажыццяўляецца за кошт добраахвотных ахвяраванняў дэпутатаў вобласці ўсіх узроўняў, спонсарскіх сродкаў арганізацый і фізічных асоб.
Стартуе акцыя 1 верасня. На лінейках у агульнаадукацыйных установах, прысвечаных пачатку навучальнага года, дэпутаты будуць уручаць школьнікам камплекты мячоў і іншае спартыўнае абсталяванне.