Піянер — значыць першы

13 верасня Беларуская рэспубліканская піянерская арганізацыя прымала віншаванні з нагоды 20-гадовага юбілею. На плошчы Перамогі ў Мінску на ўрачыстай лінейцы сабраліся лепшыя піянеры краіны, сярод якіх былі і прадстаўнікі нашай вобласці (на здымку). А некалькімі днямі раней, у Дзень горада, юных гамяльчан, якія вызначыліся ў вучобе, творчасці, спорце і грамадскім жыцці, урачыста прынялі ў рады піянерскай арганізацыі. Цырымонія праходзіла каля абласнога Палаца творчасці дзяцей і моладзі. Па традыцыі павязаць чырвона-зялёныя гальштукі было даверана заслужаным людзям нашага горада і ветэранам. Алена МАРТЫНЕНКА