Мой “Родны кут”, як ты мне мілы

Адноўлены гандлёвы комплекс “Родны кут” стаў цудоўным падарункам жыхарам Хойнікаў да Дня беларускага пісьменства, які адсвяткавалі ў райцэнтры ў гэтым го­дзе. Да свята ў горадзе мадэрнізавалі шмат аб’ектаў і, зразумела, не абышлі ўвагай і гандлёвыя кропкі. “Родны кут” знаходзіцца на цэнтральнай плошчы і традыцыйна з’яўляецца адным з самых папулярных магазінаў у хайнічан. А зараз тут стала больш месца (гандлёвая плошча складае 250 квадратных метраў), пашырыўся асартымент, уведзены метад самаабслугоўвання, з’явіўся новы касава-разліковы вузел, дадатковы плацежны тэрмінал. І вынікі не прымусілі сябе чакаць. Як расказала старшыня раённага спажыўтаварыства Нэлі Тараева, рознічны таваразварот за верасень — лістапад склаў адзін мільярд сто тысяч рублёў.