“У цэнтры ўвагі – дзеці!”

У рэспубліцы доўжыцца прафілактычная акцыя з такой назвай. Яе асноўная мэта – прыцягнуць увагу грамадскасці да праблемы траўматызму і гібелі дзяцей ад пажараў. Спецыялістамі групы прапаганды і навучання гарадскога аддзела па ЧС для вучняў гарадскіх школ №72, 27, 9, 66, гімназій №56 і №14, а таксама выхаванцаў дапаможнай школы-інтэрната №5 быў праведзены “Урок бяспекі”. Акрамя таго, рабяты праглядзелі тэматычны відэафільм “Што рабіць у выпадку пажару?”, а таксама атрымалі наглядную прадукцыю адпаведнай тэматыкі. Для бацькоў арганізавалі прафілактычную гутарку “Дзіцячае свавольства з агнём”, дэманстрацыю відэафільма “Безнагляднасць дзяцей”. Напрыканцы мерапрыемства яго ўдзельнікі пазнаёміліся з газетай “Юны выратавальнік”, а таксама даведаліся пра ўмовы паступлення і спецыяльнасці, якія можна атрымаць у Мінскім камандна-інжынерным інстытуце МНС і Гомельскім інжынерным інстытуце МНС.