Сакрэты журналiстаў

У блiжэйшых нумарах раённых газет “Петрыкаўскiя навiны”, “Светлае жыццё” (Лельчыцы), “Новае Палессе” (Жыткавiчы) i “Народны голас”  (Ельск) чытачы заўважаць прыемныя змены.
Менавiта гэта падкрэслена ў Лельчыцах падчас занальнай нарады  рэгіянальных  сродкаў масавай інфармацыі.  Мерапрыемства арганiзавана галоўным упраўленнем iдэалагiчнай работы аблвыканкама и сакратарыятам абласной арганізацыі ГА “Беларускі саюз журналістаў”.
Зроблены дэталёвы аналiз грамадска-палiтычных выданняў. Акрэслены поспехі  і вызначаны шэраг  лепшых публікацый.  Названы  цікавыя артыкулы, якія  варта накіраваць на абласны конкурс СМІ.   Разам з тым  прапанавана больш пiльна ставiцца да простага чалавека. Часцей звяртаць увагу на  звычайныя людскія  праблемы i не шкадаваць у раёнцы месца для крытыкі. Дарэчы, такую выснову зрабiлi спецыялiсты Інстытута журналiстыкi Беларускага дзяржаўнага універсітэта.  Напярэдадні яны ўважліва вывучалi палескую прэсу.
Распаўсюджаны асабiсты вопыт прадстаўнiкоў рэспублiканскай, абласной i гомельскай гарадской прэсы.  Гучалі  і падказкі, і парады, і прапановы. Журналісты шчыра дзяліліся сакрэтамі  майстэрства, прысутныя  маталі на вус.  Потым  разам абмяркоўвалі, як  правераныя часам напрацоўкі  лепш выкарыстоўваць у раённым маштабе. Агучаны даволi цiкавыя праекты, якiя, як мяркуецца, вельмi хутка знойдуць сваё ўвасабленне.
Усё гэтае дае падставу сцвяр­джаць, што   чарговая сустрэча  прафесіяналаў ператварылася ў сапраўдны  майстар-клас, які  аказаўся карысным як для супрацоўнікаў раёнак, так і для  кіраўнікоў ідэалагічных аддзелаў. Намеснiк старшынi Лельчыцкага райвыканкама Вольга Гаўрылавец выказала пажаданне, каб у газетах  было больш пазiтыву i ўзораў для станоўчага пераймання. 
Васіль ДУБІК