Ад родных ніў, ад роднай хаты

“У Васілевічах нават у далёкія трыццатыя гады можна было дастаць даволі рэдкую кнігу. Сябраваў з хлопцамі, старэйшымі за мяне, і гэта значна пашырала мае магчымасці ў сэнсе забеспячэння кнігамі. У школе даваліся мне ўсе прадметы, але найбольш любіў літаратуру”, — згадваў празаік у аўтабіяграфіі.
У кастрычніку 2008 года ў гомельскай спецыялізаванай Славянскай бібліятэцы прайшлі міжнародныя навуковыя чытанні “Рэгіянальнае, нацыянальнае і агульначалавечае ў літаратуры”, прысвечаныя памяці пісьменніка-земляка. Удзел у іх бралі сын і дачка пісьменніка — кандыдат філалагічных навук, дацэнт кафедры беларускай літаратуры і культуры БДУ Павел Навуменка і доктар мастацтвазнаўства, прафесар Расійскай акадэміі мастацтваў імя Гнесіных Таццяна Навуменка. А сёння ў бібліятэках раёна пройдуць вечары, прысвечаныя творчасці Івана Навуменкі.

Тамара КРУЧЭНКА