Міжнародны метадычны семінар прайшоў у ГДУ

Тэма семінару – трэнды ў адукацыі, а правяла яго кафедра беларускай мовы філалагічнага факультэта.

У семінары прынялі ўдзел выкладчыкі, аспіранты, магістранты і студэнты Мелітопальскага педагагічнага ўніверсітэта імя Б. Хмяльніцкага, якія прыехалі на стажыроўку ў Гомельскі дзяржаўны ўніверсітэт імя Ф. Скарыны. Паміж філалагічнымі факультэтамі ГДУ і Мелітопальскага ўніверсітэта развіваецца цеснае супрацоўніцтва, наладжаны акадэмічны абмен, праводзяцца сумесныя навукова-метадычныя семінары, выдаюцца зборнікі навуковых артыкулаў.

На метадычным семінары былі абмеркаваны сучасныя тэндэнцыі ў філалагічнай адукацыі, гучалі даклады, прысвечаныя тэхналогіям і методыкам візуалізацыі вучэбнага матэрыялу. У цэнтры ўвагі былі праблемы медыяграматнасці, выкарыстання анлайн-платформ у адукацыйных мэтах.