Болей 80 студэнтаў педагагічных спецыяльнасцей Гомельскага дзяржаўнага ўніверсітэта імя Ф. Скарыны ў мінулым навучальным годзе прайшлі практыку на базе гімназіі № 10 горада Гомеля

У 2012 годзе тут адкрыўся філіял кафедры педагогікі факультэта псіхалогіі і педагогікі ўніверсітэта. Сёння спасцігнуць прамудрасці педагагічнай навукі студэнтам ГДУ дапамагаюць не толькі высокакваліфікаваныя спецыялісты — настаўнікі з багатым вопытам. Тэхнічнае абсталяванне ў гімназіі дазваляе будучым педагогам на выдатна засвоіць і сучасныя камп’ютарныя тэхналогіі, без якіх не можа адбыцца сённяшні ўрок у школе.