Школьны погляд на грамадскія навукі

На базе гомельскай гімназіі № 58 імя Фёдара Гааза прайшлі адкрытыя навуковыя чытанні. Свае даследчыя работы на суд журы прадставілі 180 вучняў з 54 гімназій і школ Гомеля, Гомельскага гарадскога ліцэя, ліцэя МНС, педагагічнага каледжа імя Выгоцкага, а таксама з 11 раёнаў вобласці. Да ўдзелу было дапушчана 136 навуковых работ і 78 работ на конкурс малюнка, які праводзіўся ў рамках чытанняў. Як адзначыў дырэктар гімназіі Віктар Петухоў, штогадовыя чытанні вылучылі шмат таленавітых рабят з неардынарным мысленннем. Тым больш, што тэматыка конкурсных работ была разнастайнай. Канкурсанты прадстаўлялі даследаванні па гісторыі Беларусі, краязнаўстве, міравой мастацкай культуры, грамадскім навукам, асновам праваслаўнай культуры. Другі год запар для педагогаў працавала секцыя «Праваслаўе і педагогіка».