Прайшла штогадовая прафілактычная акцыя «Першыя канікулы — стань прыкметным у цемры»

Для першакласнікаў сярэдніх школ і гімназій Цэнтральнага раёна Гомеля. Як адзначыла начальнік аддзела ідэалагічнай работы, культуры і па справах моладзі адміністрацыі Цэнтральнага раёна Вольга Дацэнка, мерапрыемства прайшло ў восьмы раз. Яго арганізатарамі выступілі адміністрацыя раёна, Упраўленне ДАІ УУС Гомельскага аблвыканкама, Цэнтральная раённая арганізацыя грамадскага аб’яднання «Белая Русь». Сёлета ў апошні дзень першай чвэрці 1400 вучняў першых класаў атрымалі флікеры, якія ім уручылі роўна ў 12 гадзін дня ва ўстановах адукацыі. Спонсарам пры набыцці светлавяртальных элементаў сталі прадстаўнікі Белай Русі. Цікава, што яны выступілі і заказчыкамі надпісу на флікерах «Белая Русь за бяспеку дзяцей на дарогах».