Запішы відэа па-беларуску і атрымай смартфон

«Падтрымка праектаў, звязаных з беларускай нацыянальнай культурай і ідэнтычнасцю, — адзiн з ключавых складнікаў КСА-стратэгіі velcom. Мы рады, што новы этап праекта „Чытаем па-беларуску з velcom“ атрымаў такі пазітыўны водгук, — адзначае генеральны дырэктар velcom Гельмут Дуз. — Гэта відэа — сімвалічны крок, які яшчэ раз падкрэслівае нашу ўвагу і павагу да беларускай мовы і літаратуры. Мы запрашаем усіх далучыцца да праекта, прачытаць творы беларускіх аўтараў і выкласці сваё відэа ў падтрымку ініцыятывы».

Кампанія — ініцыятар праекта «Чытаем па-беларуску з velcom». У ёй ужо прынялі ўдзел больш за 1800 школьнікаў з усёй Беларусі.

Першы этап рэспубліканскага конкурсу юных чытальнікаў «Чытаем па-беларуску з velcom» працягнецца да 20 снежня 2017 года. Конкурс праводзіцца пры падтрымцы Міністэрства адукацыі Беларусі сярод навучэнцаў 7 і 8 класаў. Удзельнікам прапануецца запісаць відэа, на якім яны чытаюць адзін з твораў беларускай літаратуры. Затым неабходна размясціць відэа на асабістай старонцы ў адной з сацыяльных сетак (Вконтакте, Facebook, Instagram) і пазначыць публікацыю афіцыйным хэштэгам конкурсу — #чытаемзвэлком або #чытаемзvelcom. Лепшыя, на думку журы, канкурсанты будуць названы да 29 снежня 2017 года і прымуць удзел у рэгіянальных этапах конкурсу ў 2018 годзе. Пераможцы рэспубліканскага фіналу атрымаюць смартфоны маркі Apple.