Экіпаж-тысячнік у "Дняпроўцы"

Пакарылі тысячны рубеж камбайнеры гэтага сельгаспрадпрыемства на КЗС-1218. Валерый Хадасок і яго памочнік Уладзімір Шанцавалаў выгрузілі з бункера 1087,5 тоны хлеба. Гэты працоўны дуэт адметны сваёй стараннасцю і працавітасцю. Шчыра павіншавалі дняпроўскі экіпаж старшыня абласнога камітэта Беларускага прафсаюза работнікаў мясцовай прамысловасці і камунальна-бытавых прадпрыемстваў Юрый Корж і галоўны тэхнічны інспектар працы Валерый Чупругін, уручылі каштоўныя падарункі ад абкама. Шмат душэўных пажаданняў прагучалі ў адрас перадавікоў жніва ад старшыні Лоеўскага раённага аб’яднання прафсаюзаў Сяргея Дземідзенкі і іншых прадстаўнікоў грамадскай арганізацыі.