Мост, каб ісці наўпрост

Для добраўпарадкавання райцэнтра непадалёку ад мемарыяльнай брамы вырашана ўзвесці прыгожы масток. Плануецца, што фундамент будзе з маналіту, і таму выканае функцыю дамбы. Яна будзе збіраць ваду з ліўнёўкі і ўтворыць азерца. На масточку будуць і ажурныя аркі, якія нададуць сваю адметнасць. Дзякуючы такому збудаванню ўдасца падкрэсліць архітэктурную прывабнасць цэнтральнай часткі горада на Дняпры. Засталося знайсці грошы на ажыццяўленне ідэі. Распрацоўкай праекта займалася мастацкая майстэрня г. Рэчыцы, а ажыццявіць яго Лоеўскі райжылкамгас.