Жнівеньскі зарапад

Сёння ў Добрушскай цэнтральнай раённай бібліятэцы адбудзецца міжнароднае паэтычнае свята “Жнівеньскі зарапад”. Традыцыйна яно праводзіцца раз у два гады.

Завітваюць на яго не толькі паэты-землякі, а і творцы з расійскага Навазыбкава, прадстаўнікі мясцовых літаб’яднанняў. Як паведаміла кіраўніцтва бібліятэкі, у сёлетняй паэтычнай пераклічцы прымуць удзел гамяльчане члены Саюза пісьменнікаў Беларусі Іван Бісеў, Ніна Шклярава, Іна Спасібіна, Юрый Максіменка, Ганна Атрошчанка, Вера Квяткоўская, Генадзь Говар, а таксама ўдзельнікі школы-студыі “Малады літаратар”. Будуць і музычныя падарункі ад гомельскага вакальнага калектыва “Рэтра” пад кіраўніцтвам Валянціны Каралёвай.