Хойніцкі калектыў годна прадставіў Дэпартамент па ліквідацыі наступстваў катастрофы на ЧАЭС на рэспубліканскім фестывалі
- 1762
- 16:03
- 10.02.2020
Поделиться
Самадзейныя артысты радыяцыйна-экалагічнага запаведніка парадавалі гледачоў на рэспубліканскім фестывалі творчых калектываў устаноў і падраздзяленняў сістэмы Міністэрства па надзвычайных сітуацыях.
Самадзейныя артысты радыяцыйна-экалагічнага запаведніка парадавалі гледачоў на рэспубліканскім фестывалі творчых калектываў устаноў і падраздзяленняў сістэмы Міністэрства па надзвычайных сітуацыях.
Вярнуліся дамоў хайнічане з дыпломамі ў розных намінацыях. Як не парадавацца за дыпламантаў першай ступені Наталлю Шарапаву, Марыну Краўчанка і вакальны ансамбль, якія пакарылі яскравым выкананнем народнай і аўтарскай песні!
Марына Краўчанка, старшыня пярвічнай прафсаюзнай арганізацыі калектыву запаведніка, дарэчы, яшчэ адзначана дыпломам другой ступені ў намінацыі «Мастацкае слова». У намінацыі «Патрыятычная песня» хораша выступіў Аляксандр Каваленка і атрымаў дыплом трэцяй ступені. Сярод пераможцаў удзельнікі вакальнага ансамбля Генадзь Прышчэп, Юрый Гушчанка, Алег Казыра, Андрэй Лобан.
Днямі начальнік Дэпартамента па ліквідацыі наступстваў катастрофы на ЧАЭС Міністэрства па надзвычайных сітуацыях Сяргей Шпарло шчыра віншаваў аматараў мастацкай творчасці на сходзе працоўнага калектыву запаведніка. Далучаемся да віншавання!
Реклама
