Пад крыламі мастацтва

Адкрыццё рэспубліканскай выставы сучаснага выяўленчага і дэкаратыўна-прыкладнога мастацтва “Зямля пад белымі крыламі” адбылося ў Палацы Румянцавых і Паскевічаў. На ёй прадстаўлены работы вядомых мастакоў Гомельшчыны, створаныя за апошнія пяць гадоў. Сярод экспанатаў — працы як сталых творцаў, так і таленавітай моладзі. У работах землякоў апета прыгажосць роднага палескага краю. У канцы 2010 года выстава жывапісцаў Гомельшчыны пройдзе ў Мінску, а жыхары і госці нашага горада пазнаёмяцца з творчасцю мастакоў Мінскай вобласці. У адкрыцці выставы прынялі ўдзел старшыня аблвыканкама Аляксандр Якабсон, старшыня абласнога Савета дэпутатаў Марыя Бондар, першы намеснік міністра культуры Рэспублікі Беларусь Уладзімір Карачэўскі. Алег БЕЛАВУСАЎФота аўтара